الزيارات:
الجمارك المغربية ..وكفية حساب نسبة الضريبة الجمركية على مشترياتك ..

بواسطة Unknown يوم الثلاثاء، 13 ديسمبر 2016 85 التعليقات
السلام عليكم ..
أهلا بزوار ومُتابعي موقع أفضل مواقع التسوق من الأنترنت ..
الجمارك لغز حير الجميع ..وبمجرد سماع الجمارك ..بحال شي فال خايب عند المغاربة ههه
لكن في الحقيقة ..هم أشخاص يقومن بعملهم ..ويضوفون ضريبة على السلع والمنتجات التي تدخل في نطاق الجمركة ..
بتسعيرة تختلف من صنف لآخر ..
غنحاول نهدر بالدرجة شويا باش يوصل الميساج أكثر ..

تم والحمد لله إنشاء موقع يهتم بالإلكترونيات وجميع المنتجات المميزة 
أثمنة أقل من على إكسبريس .. ونضمن لكم الجودة 
 👍 Www.Waffir.MA 👍


اخبرتكم بتحديثات على القانون الجمركي ..
وللإسف تحديث يخدم الدولة وبعض الشركات ..حيت قالك أسيدي المغرب وقع فسيولة مالية كبيرة بكثرة الفلوس لي كتخرج على برا من الشوب .. وقالك ما قالك غترجع تتجمرك جميع السلع .. ومغيبقاش الحد الأدنى هو 50 ولا 100 دولار ..
يعني يقدر يجمرك ليك ونتا شاري أقل من داك المبلغ ..
هادشي كزال متطبق ..وصعيب يتطبق -وخا خرج بيان - ..
حيت غيتزاد العمل على الجمارك ..لي منقصينش الصداعات كثر من لي فيها هوما حاليا ..
وعلى داكشي غيكملو بنفس طريقة العمل ..ولي بغاو يطبقو عليه القانون غيطبقوه ..
المهم هاد التحديث ميخلعكمش بزاف ..
غير طبقوا النصائح لي جات فموضوع الجمارك ..
ومغتخلصوا والو للجمارك إن شاء الله ..


نمر للجزء الثاني من الموضوع ..
ولي غنعرض عليكم أحد الردود المنقولة من الأخ عبد الإله =Half Moon= بتصرف ..
الرد كتضمن طريقة حساب النسبة لي غتخلص على السلع لي شريتي ..
طبعا التجار ومهووسي التسوق عندهم فكرة على هادشي ..
ولكن مافيها باس الآخرين يستافدوا ..ولي حاب يدخل للتجارة فهاد المجال ..
باش تكون شهرة اكثر للمنتجات ..ومنافسة اكبر :)

المهم نخليكم مع رد الأخ ..مع تعديلات خاصة ..
وتوضيحات إضافية ..



السلام عليكم موضوعنا اليوم حول الجمارك والنسبة المخصصة والحالات اللي غير خاضعين لتضريب الجمركي..
لابد قبل البداية نعرفوا القاعدة العامة في التضرييب او الجمركة .
ماهي الجمارك وماهي الجمركة :
 الجمارك هي مؤسسة تابعة لوزارة المالية دورها هو تحصيل الرسوم و الضرائب إلى الرقابة على حركة البضائع الداخلة و الخارجة من الدولة و كذلك محاربة التهريب والبضائع الممنوعة قانونا.
 الجمركة : هي الضريبة على الاشياء المستوردة من الخارج والمصدرة من الدولة الي الخارج (يعني طالع واكل هابط واكل) ههه ..

الان نأخدو القاعدة الاساسية في النسبة المخصصة لكل الاشياء المستوردة مثلا الاشياء اللي كنشريوها من المواقع بحال جيربست - تينيديال - الاكسبرس - اباي ...
>1- الالكترونيات 23.5 في المئة من الثمن الاصلي اقول هنا الثمن الاصلي بمعني الحقيقي  حيث بعض الاخوان كيبدلو الاثمنة مثلا هاتف كيدبر 2000 درهم وهو كاتب علي الورقة ديال السلعة 49 دولار (واش فناظركم الجمركي غبي كيحل الباكية كيلقا تلفون كبير وزوين ونتا داير ليه 49 دولار يعني مفروشة )
"- لي بغيت نضيف فهاد النقطة هو أنه كيحسب ليك ثمن السلعة فالسوق المغربية ..خصوصا فالسلع المتواجدة فالسوق ..
مثلا نتا شريتي 3 Clé Usb  32GB بـ 240 درهم ..هوا غياخد الثمن لي عندوا فالتسعيرة الجمركية ولي هو 200 درهم لكل واحدة ..وغيخرج ليك 200*3*0.24 هي 144 درهم لي غتخلص ..
هذا مجرد مثال ..وتقدر تطيح فيه إلى جبتي منتجات الثمن ديالها مرتفع فالسوق ..
الهواتف في الغالب مكيعرفوش الأثمنة ديالهم .كيديرو تقديرات ..ويقدر يطلب منك نسخة من الشراء من الموقع ..
ولا نتا تعرضها عليه إلى حسب لك الثمن أكثر من اللازم ..-"
قاعدة عامة الاختلاف فين كاين : كاين حسب نوع الحاجة الالكترونية اللي شريتي مثلا تلفون 23.5 ومثلا سكانير ديال الطبيب فعلا هو من الالكترونيات ولكن ماشي الطبيعة ديالو بحال التلفون هنا الجمارك تقدر تمشي معاك بعيد فالضريبة * 100 في المئة مثلا الساكانير 20 مليون غدي تخلص 20 مليون اما السلع اللي باينة في الالكترونيك ولا قل من 500 درهم هاديك كيدوزوها عادي لكن كاين بعض الجمركيين كيطبقوا الجمركة علي الحاجات تا ديال 200 درهم وهدا ممنوع في القانون حيث كاين نص منظم لهادشي هو عندو السلطة التقديرية فوق 500 درهم فقط .لهدا الاخوان حاولوا تقنعو الجمركي فهاد الامر انه مخالف لقانون المالية ونظام التعشير الجمركي . 

>2- الملابس اللي المجموع ديال القيمة ديالها 500 درهة فالضريبة هي 50.5 في المئة وهي غالية بزاف معرفتش علاش ونفس الشيء كيطبق علي الملابس الاكني جايب شوية ديال الحوايج قل من 500 درهم هنا الاعفاء جبتي كتار من 500 درهم الي حدود 1500 درهم الضريبة 50.2 في المئة اما الا جبتي بزاف هنا التصنيف كيتبدل بحال الاكترونيك حيت نتا جايب بزاف لغرض تجاري ونزيدك انه تقدر تخلص كتر الاكانو الحوايج ماركة عالمية ومن الجلد او اي ملابس بانت للجمركي انها غالية او راقية بزاف هنا كيولي حساب اخر + الحساب ديال 50.5 في المئة نصائح تجنبوا DHL و فيديكس .وكل الشركات اللي كتجيب ليك الاشياء بسرعة حيث وخا كتخلص النقل قبل كيرجعوا يحسبو ليك الترانزيت هنا في المغرب وكيدخلو ليك السلعة ديالك للديوانة ديال المطار وكطيح عليك غالية السلعة لكن الناس اللي ف كازا قراب المطار يمكن يمشيو ياخدو السلعة ديالهم بلا ضريبة علي النقل ديال DHL اضافة الي كانت الحزمة في المطار وبتحديد في منطقة الشحن فمن الممكن أن يتم الإعفاء من الرسوم الجمركية والضريبة إذا كانت الفاتورة بها أقل من 1000 درهم هادي قليل اللي كيعرفها يعني تاخد السلعة ديالك فابور وهادشي كاين فالقانون غي حنا مكنعرفوهش.

بالنسبة الحالات اللي يمكن يتعرض فيها الشخص الاعتقال او المحاسبة وهاد السؤال كنضن عمر فكر فيه شي حد قبل - عدم التصريح بالقيمة الحقيقة للمنتجات الا كانو بزاف لغرض تجاري هنا ستتابع بالتهرب الضريبي .
- السجن كيكون فالاشياء اللي كتههد سلامة الاشخاص وهي بزاف حيث الانترنيت سوق مفتوح تشري منو اللي بغتي مثلا طابعة 3D كتصوب الاسلحة اطابعة رقمية متطورة كطبع العملة الان وحاليا نصائح للاخوة تجنبو الدرونات والطيارات اللي فيهم الكامرا تجنبو الساعات اللي فيهم التسجال فيديو كاميرا وكل ادوات التسجيل الخفية فالداخلية منعاتها بالمرة والا جبتي شي سلعة بحال هاكا يقدر يكون فيها اعتقال والتحقيق علاش جبتي هادشي .
"-إضافة ..المنجات ديال التجسس ..وأدوات الدرك الملكي .. والمنتجات لي ممنوعة اصلا فالمغرب بصفة عامة ..
بحال فلامات ..كليموجين ..و..و..-"
 احيانا شنو كيوقع كيقوليك الجمركي بالنسبة الهاتف جيب ليا تصريح من عند ANRT كيقولو فيه هاد التليفون مطابق للمعايير في المغرب وباش تجيب تصريح خاصك شاهادة ديال المطابقة من عند هدا اللي باع الليك في الموقع وتما بقيتي حيت كايخافو دخل شي وسائل الاتصال ممنوعة بحال الطلكي ولاكي راه كاينين اللي ممنوع بالمطلق تجيبوا للمغرب لكن هاد شهادة المطابقة والتصريح قانونا كيكون الا كني جايب كتر من 3 ديال الهواتف او طابليط حيث كتدخل في النشاط التجاري وبالتالي كيشوفو المنتوج واش محتارم معايير السلامة اما غير باياسة وحدة لا لا قانونا طيطبق عليك غي 23.5 اللي هدرنا عليها في الاخير نتمنا نكون فيدتكم شوية اي استفسار او سوؤال مرحبا .

الموضوع طويل شويا ..ولكين كيستحق القراءة والوقوف على محتوياته ..
حاولت ندير إضافات ونوضح بعض النقاط "- .... -"
عتكون مواضيع خاصة اخرى بالجمارك وبعض الحيل لي كتخلي السلع ديالك تتفادى الجمركة ..
طبعا ليس بضمان كلي ..لكن تبقى طرق قانونية ..

الجمركي اعدى حاجة عندو هي شي واحد يجيب بزاف دالبياس صغار ..
بزاف يعني اكثر من 40 بياسا ..ويبدا يفتح ويحسب لكل وحدة ثمن ..
غيكرهك على طول ههه ..جيب شويا من الحاجة .. ولا جيب منتج بكميات كبيرة ..
هادشي غلى كنتي عارف راسك غتخلص غتخلص الجمارك ..
باش تسهل عليه العمل ..ويسهل عليك  الخلاص ههه
المهم ملتقانا في موضوع آخر ..
ولي غيكون خاص بـ بعض طُرق التحايل لتفادي الجمركة ..
بعض الطرق ستكون حصرية للموقع :)

موقع تابع لنا خاص ببع جميع الإكسسوارات المفيدة للحياة اليومية :
https://Www.Waffir.Ma
مرحبا بطلباتكم وإستفساراتكم ..
تعليقات
85 تعليقات

هناك 85 تعليقًا:

  1. طريقة حساب الرسوم الجمركية في المغرب + حاسبة. يكفي ان تدخل المعلومات كما هو مطلوب لتحصل على النتيجة
    calculdouanemaroc.co.nf

    ردحذف
    الردود
    1. بغيت نجيب العاب الكترونية شحال خاصني نخاص عليها فالديوانة

      حذف
    2. السلام عليكم اخي ، انا كنبيغ ملابس رجالية وجاتني الفكرة انني نجيب من تركيا بالجملة ، بغيت نعرف شحال نخلص للجمارك للكيلو !

      حذف
    3. السلام عيلم
      شكرا على المعلومات القيمة
      بغيت نعرف كيفاش نحسب القيمة التقريبية ديال لي كتزاد على السلعة لي بالجملة خصوصا الملابس

      حذف
    4. سلام عليكم بغيت نجب القطن اصيناعي من الجزائر 20 طن تقريبا 180000 درهم شحال لعشور تقريبا. وشكراً

      حذف
  2. شكرا جزيل الشكر اخي

    ردحذف
  3. شكرآ. وبالنسبة لدرجة نارية كيفاش كيحسب ؟ ؟

    ردحذف
  4. أخي الكريم شكرا على المعلومة وجزاك الله كل خير.
    وعندي سؤال بغيت له جواب_انا مقيم بالمملكة العربية السعودية وعندي أورغ يعني بيانو هو كبير شوي فالحجم وسعره تقريبا 10000 والذكر انا ما كندير تجارة أو شي من هاد القبيل لكن هاوي موسيقى وأريد أن أحمله معي للمغرب هل لازم اجمركه أو عندي شي حق نعبر به بدون دفع المرجو الرد وشكراً مرة أخرى اخي الكريم

    ردحذف
    الردود
    1. ادا تدخله معك وانت مولع بالموسيقي لا جمارك

      حذف
  5. شكرا جزيلا أخي على المعلومات .. و الى سمحتي انا ولد كازا و بغيت نفهم اكثر على النقطة الي أشرتي ليها ديال انه ولاد كازا ممكن يتفاداو الجمركة إلى مشيت جبت سلعتي راسي المرجو الشرح اكثر في الخطوات الي نتبعها و شكرا .

    ردحذف
    الردود
    1. أعد القراءة جيدا
      قال أنك تتفادى ثمن النقل DHL

      حذف
  6. اخي كم يمكن أدائه على ايفون 6s من امريكا هو غير هدية

    ردحذف
  7. اخي الكريم اريد قتناء مكمل غذائي لكمال الاجسام كم سوف ادفع جمارك في المغرب

    ردحذف
  8. أخي شكرا بزاف
    عفاك ممكن تعاوني نعرف النسبة اللي خصني نخلص فالديوانة.بغيت نجيب سلعة من إسبانيا حوالي 100 صندوق يحتوي على أوراق و هذا من أجل التجارة
    الله يرحم لك الوالدين تقدر تعاوني نعرف شحال النسبة القانونية لي نخلص
    هذا بريدي الالكتروني benhamidaradouane@gmail.com

    ردحذف
  9. السلام عليكم خويا عندي واحد السؤال بسيط
    بغيت غير نعرف كيفاش غادي يتواصلو معايا الجمارك ولي جاتني الضريبة كيفاش غادي نخلص مع العلم انني ولد فاس

    ردحذف
    الردود
    1. حتا انا ولد فاس و باغي نشري تليفون من سيت TOMTOP و بغيت نعرف واش خاسني ضروري نسافر ولا شنو

      حذف
  10. لدي سؤال مهم:أريد شراء حاسوب من amazon ب1140$ ، كم علي الدفع للجمارك المغربية؟
    و شكرت

    ردحذف
    الردود
    1. Amazon مكتدعمش المغرب كبلد لتصدير السلع له ههههه

      حذف
  11. سلام اخي شكرا بزاف جزاك الله خير
    عافك انا اريد ان استورد ملابس حريمي من مصر الوزن 200 كيلو 360 قطعة كم هو السعر الدي علي دفعه للجمركى وسكرا

    ردحذف
    الردود
    1. السلام عليكم. واش جاوبك أختي؟

      حذف
  12. سؤالي خويا واش ممكن نجيب كمية كبيرة دون امتلاك شركة استراد و تصدير الله يرحم الوالدين لا ما جاوبني راني حاصل hafidplayer12@gmail.com

    ردحذف
  13. سؤال خويا. اذا جبت مثلا مائة ساعة وكان الثمن ديالهم كاملين هو مثلا 500 درهم. شحال غدن يزيدوا عليا في الجمارك ??

    ردحذف
  14. السلام عليكم اخي كنتمنى تقرا السؤال ديالي : حالتي بحال سيد منتصر باغيا نجيب 20 بياسة من كيسان مثلا و الثمن الاجمالي ماواصلش ل 500 درهم كيف ندير نحسب الجمركة فهاد الحالة وشكرا

    ردحذف
  15. سلام عليكم أخ كريم هدا رقم هاتف ديالي بغي نستشر معاك دروري 0610506505 نتكلموا في واتساب

    ردحذف
  16. ممكن نعرف ملابس شحال يحسبو ليهم مجيئهم من ايطاليا

    ردحذف
    الردود
    1. اخي انا الحالة ديالي بحالك باغي نجيب ملابس من ايطاليا .الا عندك شي معلومات تفيدني بيها فهاد الموضوع .وشكرا

      حذف
    2. شحال خلصتوا ؟

      حذف
  17. مرحبا أخي ، أود أن أطرح عليك سؤال بخصوص الجمركة على سعلة تجارية مستوردة من أمريكا تحتوي على ( هواتف و حواسيب و إكسسوارات ...) كل صنف بكميات كبيرة ...مع علمك أن أنني لأول سأتعامل مع مدير شركة من أمريكا في مجال تسويق و هو سيتكلف بكل أمور تجميع و توصيل الشحنة إاى العنوان الخاص بي في المغرب ،، السؤال المطروح هنا هو بعض تفسيرات حول الشحنة مع الجمارك المغربية ...مع العلم أن صاحب الشحنة أكد لي تقليل و تخفيض أثمنة الهواتف و الحواسيب ...هل سيتم تسعيرة هذه الشحنة و هل سيكون هناك ربح من وراء الجمركة في المغرب ؟ و شكرا أخي

    ردحذف
  18. بغيت نسولك دبا انا متلا شريت تيليفون قيمتو فوق 500 درهم ولكن شريت معاه شي خويج خرين قل من ديك 500 درهم
    واش انا غانخلص غي على الحاحة لي فايتا 500 درهم ولغنخلص على المجموع ديال داك شي لفصندوق

    ردحذف
  19. السلام عليكم سؤال ديالى من فضلك واش السلع لي تشريعا مباشر من الصين لغرض تجاري متخصص نفس الضريبة و نفس الإجراءات شكرا

    ردحذف
  20. Ha nmra dyali sift lya fwadsap darori bghit nstachr m3ak 0672350865

    ردحذف
  21. سلام عليكم جزاكم الله خير على المعلومات اريد تواصل معكم هاتفيا ادا ممكن 0614634525 وشكرا

    ردحذف
  22. السلام عليكم أخي أنا طلبت 6 ساعات يدوية الثمن 3 دولار للوحدة واش ايتشدوا ليا فالديوانة؟

    ردحذف
  23. العار لما جاوبني ف gmail
    بغيت نجيب طن ديال سلعة ساويا 1000$ شحال انخلص على كل طن
    Amine.malah10@gmail.com

    ردحذف
  24. 0629981789 ليبغرى اي معلومة حول الاستراد والتصدير وكيفية احتساب الجمارك عندي تجربة وشركة استراد داكشي كولو ليكتبتي اخويا غير مجرد قيل وقال

    ردحذف
    الردود
    1. السلام خويا انا مقيمة فتركيا و مكندير لا تجارة لا والو بغيت نهبط لداري شي حويجات تاع دار بحال المصلوح و الفرن الصغير واش هادشي داخل فجمارك و انا انحيد كاع تيكيتات ديالهم حيت ماشي ابيعهم واش اتخلص ولالا

      حذف
  25. السلام عليكم ورحمة الله وبركاته أخي الكريم أنا باغي نستورد بضاعة لأول مرة شنو باغي ندير

    ردحذف
  26. اخي انا عايشة في الكويت وحابة اجيب معايا شواية والة مولينكس استعمال شخصي وتلفزيون استعمال شخصي واش نخلص عليهم؟؟

    ردحذف
  27. سلام عليكم اخي باغي نجيب سلعة من الأردن إلى المغرب عبارة عن منتوجات البحر الميت لمواد التجميل شنو خصني نخلص في الجمارك و شكرا

    ردحذف
  28. السلام خويا انا مقيمة فتركيا و مكندير لا تجارة لا والو بغيت نهبط لداري شي حويجات تاع دار بحال المصلوح و الفرن الصغير واش هادشي داخل فجمارك و انا انحيد كاع تيكيتات ديالهم حيت ماشي ابيعهم واش اتخلص ولالا

    ردحذف
  29. ما عمر المسلم ايربح خوه المسلم

    ردحذف
  30. هل هناك جمارك على الملابس والفوط ديال الحمام صناعة مصرية

    ردحذف
  31. بالنسبة لتلفاز واحد 50 بوصة كم ثمن تعشير

    ردحذف
  32. شكرا على التوضيح

    ردحذف
  33. السلام عليكم اخي كم يجب ادائه على الة الفلاحة التي تجمع التبن ( البال) يقدر تمنها بمليون ونصف وشكرا

    ردحذف
  34. أوريد كم ثمن الجمارك من مصر إلى المغرب بغيت ندخل الحقائب للصفر

    ردحذف
  35. كيفاش نتواصل مع الاخ كريم بغيت نجيب شي عبابات مصرية للمغرب وماعرفتش شحال غادي يحسبو ليا لخلاص في اه كنت

    ردحذف
  36. اريد استيراد الة حفر catetpillar I من الصين... .كم يلزمني للديوانة؟ مشكور اخي

    ردحذف
  37. السلام عليكم استيراد ادوات الجزارة من الخارج. كم يلزمني الدفع للجمارك ؟ وشكرا

    ردحذف
  38. السلام عليكم ورحمة الله اولا شكرا على المعلومات القيمة وبغيت نسول على واحد المنتوج وطريقة الإستلام ككل food truck لي كيسوا تقريبا 70.000 dh الى كان ممكن شي افادة

    ردحذف
  39. أخي واش ضروري تسجيل في الجمارك باش تاخد السلعة ديالك إلى كانت عندك البطانت و روجيسطر كوميىس ؟

    ردحذف
  40. خويا شكرا على الموضوع فصراحة فيه إفادة كبيرة .لله يجزيك بخير بغيت نسولك انا بغيت نشري هاتف نقال من أحد الموقع مع العلم انه ماوصلش 500درهم واش غنخلص عليه ضريبة فديوانا وعلاش خاصنا نتفدوا DHL جوابني لله يرحم ليك الوالدين

    ردحذف
  41. الجمارك المغربية أكبر لص و اغبى . كيدخلو لي بغاو أو كيشفرو لي بغاو قال ليك الدولة ديال الحق و القانون 😂. الل......... إنعل .....بون مت هذا القانون

    ردحذف
  42. السلام عليكم ورحمة الله وبركاته جزاك الله خير بغيت نطلب راديو السيارة autoradio بثمن 450 dh واش نخلص عليه وشكرا من aliexpress

    ردحذف
  43. سلام خويا باغي نجيب اكسسورات (خواتم-براسليات-سناسل) بغيت نعرف نحسب ديوانة ديالهم)

    ردحذف
    الردود
    1. صاحب المجوهرات ليس عليه أي دوانة بس تدخل الخواتم داخل الشنطة وللشنطة لايزيد وزنها عن ٤٦ كيلو

      حذف
  44. بغيت انجيب طنوبيل كازوال 2016 للمغرب اشحال العشير كم في المئة

    ردحذف
  45. السلام خويا انا غيجني موطور من فرنسا
    Tmax occasion شحال غنخلص عليه ف الجمارك

    ردحذف
  46. السلام عليكم بالنسبة للكتب اشتريت كتب عبر الانترنت وصودرت في الجمارك ماذا افعل ؟واذا كانت ممنوعة بالمغرب هل هناك متابعة شكرا لكم

    ردحذف
  47. السلام عليكم بالنسبة للكتب اشتريت كتب عبر الانترنت وصودرت في الجمارك ماذا افعل ؟واذا كانت ممنوعة بالمغرب هل تكون متابعة قانونية كل الشكر لكم

    ردحذف
  48. بالنسبة لدراجة نارية واحد هل ستمر على الجنارك ام مادا

    ردحذف
  49. شكرا معلومات قيمة
    بغيت نجيب حوالي 50ساعة مشحال نقدر نخلص

    ردحذف
  50. السلام عليكم،اريد جلب آلتين للنجارة من الصين ممكن اعرف كم تكلفة الشحن مع الجمارك

    ردحذف
  51. السلام عليكم اخي بغيت نشتاشر ماك داروري وشكرا

    ردحذف
  52. السلام عليكم
    لقدارسلت من السعوديه الاالمغرب بليستيشن وحهازلاب توب وعبايات عددها ٣
    ووصلت الدارالبيضاء وتم حجزها لدئ الجمارك المغربيه ماهوالحل لايصالهالاصحابهافي مراكش
    دلوني علا الحل

    ردحذف
  53. Salm khouya ana baghit nadkhal tarkas man imart chahl ghadi tat9am 3alya faljmarik wachkarn

    ردحذف
  54. السلام عليكم ورحمة الله وبركاته خويا عندي واحد السؤال بالنسبة للمشربات الغير الكحولية لغرض التجارة طبيعة الحال بإنشاء شركة شحال كنخلصو عليها باش دخلها من أروبا ? الله إجازيك بكل خير

    ردحذف
  55. سلام هل الاثات تشمل نفس تسعيرة الملابس على العلم انا ساستوردها من الصين باسم شركة

    ردحذف

  56. Unknown9 ديسمبر 2019 4:53 ص
    سلام هل الاثات تشمل نفس تسعيرة الملابس على العلم انا ساستوردها من الصين باسم شركة المرجو تواصل الله اجزيكم بالف خير نريد الاستفادة والمعرفة
    الواتساب 0663423400 ali mn casa

    ردحذف
  57. اخي اريد شراء اكسيسوار للنساء من الصينم ثمن الجمارك ارجو رد من فضلك

    ردحذف
  58. اريد شراء الة الخياطة واحدة ثمن الجمارك و شكرا جزيلا.

    ردحذف
  59. اريد شراء الة الخياطة واحدة ثمن الجمارك من فضلك.

    ردحذف
  60. أسلام عليكم أريد أن أشتري من إكسبري بتقصيط في بعض أحيان شركات تشتري ملابس يعني يقع لها فاىض في لملابس لتي.. وتضع أتمنة خيالية أنا معك في كل ما قلته أقل من 500dh توكل لاكن لو أن سلعة أو أحدية لن تكون من ماركات عالمية لانها تمنها قليل. هل أتوكل علي ألله في هادا. أيمكنني في الجمارك أن أخد سلعتي بدون أن يزيدو علي أتمنة خيالية

    ردحذف
  61. السلام عليكم عندي سؤال الله يحفضك بغيت نشري حاسوب محمول داير 30000 dh بغيت نعرف طريقة الحساب

    ردحذف
  62. عفاك احنا جمعيةرياضية وبغينا نجيبو ماطريال من الشينوا الطريقة وشحال تقريبا النسبة المرجو رد

    ردحذف
  63. السلام عليكم ورحمة الله
    اخي شكرا على هذا الموضوع انا بغيت ندخل سيارة مستعملة مع العلم أن الأب ديالي عندو التقاعد كفاش كتحسب قيمة الجمرك

    ردحذف
  64. وماهي الطريقه السليمة باش ندخل سيارة من الخارج اونستافد من خصم 85 بالمئة

    ردحذف
  65. الله يخليكم اول مره نشري من shein وخديت 3300 سلعة مشي بش نيعها ليا مكنش عارفة وشدوها ديوانة دبا بشحال تقام عليا تكلفة ديال ديوانة + 650 او اكتر ديال شركة لغتوصلي هدشي

    ردحذف
  66. السلام عليكم من فضلك بغيت ندخل سلعة من تركيا شحال ممكن نخلص عليها الضريبة للكيلو . وكيف توصلني واش مصلحة الضرائب هي نسيفط في اشعار

    ردحذف
  67. السلام عليكم من فضلكم اريد استيراد نظام الطاقة الشمسية من الصين يعني الواح ومضخات ومحولات الفاتورة فيها ٢٤٠الف دولار كم سوف ادفع للجماريك بالمغرب وشكرا

    ردحذف
  68. السلام عليكم خويا أنا باغي ندخل قطعة واحدة ثمنها 1500 دولار شحال غدي نخلص عليها

    ردحذف

ترميز HTML رموز BBcode الإبتسامات

جميع الحقوق محفوظة © 2015-2022 ~ أفضل مواقع التسوق من الأنترنت للعرب |~| تطوير : WaffiR.MA وفر ABAY.MA